"လိုအပ်နေသော ကွက်လပ်များ"

ဘာတွေဖြစ်နေသလဲဆိုတော့ ရင်ထဲမှာ ပူလောင်နေတယ် ဒါကို ငြိမ်းအေးစေဖို့ အအေးဓာတ် တွေလို နေ တယ်။ ရေဆာတဲ့ လူတွေအတွက် ရေလိုနေတယ် အစာဆာနေတဲ့လူတွေအတွက် အစာလိုနေတယ်။ တောင်းဆိုမှုတွေက များနေပြီးတော့ လိုအပ်တာကို မဖြည့်စွက်နိုင်ရင် ဒါကပြဿနာပဲ။ ဖြည့်စွက်နိုင်ရင်တော့ ဘာပြဿနာမှ မဖြစ်နိုင်ဘူး။ ဘုရားဟောပါဠိတော်က “သဗ္ဗောလောကော ဦနော ” တစ်လောကလုံးဟာ မပြည့်ဘူး လိုနေတယ်။ ကမ္ဘာ့လိုအပ်ချက်ကို ဗုဒ္ဓဘာသာရှုဒေါင့်က ဘာနဲ့ ဖြည့်မလဲဆိုရင် “ဓမ္မ”နဲ့ ဖြည့်ရမယ်။ ဓမ္မနဲ့ ဖြည့်မှ တကယ်ပြည့်မှာ၊ ပစ္စည်းတွေနဲ့ ဖြည့်လို့တော့ ဘယ်တော့မှ ပြည့်မှာ မဟုတ်ဘူး။ ငွေလိုတဲ့ လူကို ငွေပေးလိုက်ရင် ရွှေထပ်တောင်းမှာပဲ၊ ကားလိုတဲ့လူကို ကားပေးလိုက်တော့ လေယာဉ်လို့မှာပဲ၊ ရွှေပေးလိုက်ရင် စိန်ထပ်တောင်းမှာပဲ စသည်ဖြင့် လိုအပ်တာတွေ တစ်ခုပြီးတစ်ခု ထပ်တောင်းနေမှာပဲ၊ လူတိုင်းရဲ့ လောဘသည် ဘယ်တော့မှာ ပြည့်စုံတယ်ရယ်လို့ မရှိဘူး။ အလိုမပြည့်သမျှသည် ဒုက္ခ။ လိုချင်မှုများလေလေ ဒုက္ခများလေလေပဲ၊ ကောင်းကင်က မိုးရေ ဘယ်လိုပဲ ရွာချရွာချ ပင်လယ် သမုဒ္ဒရာက ပြည့်ရိုးထုံးစံမရှိပါ။ လောဘတို့မည်သည်မှာလည်း မလိုချင်ဘူးဆိုတာ မရှိပါဘူး။ တစ်ခု စဉ်းမိတယ် အခုက လူဦးရေ သုံးပုံနှစ်ပုံလောက်က အမျိုးသမီးတွေဖြစ်နေတယ်။ ယောက်ျားတွေက တဖြည်းဖြည်းနဲ့ နည်းနည်းလာတယ်။ နောက်နှစ်ပေါင်း တစ်ရာလောက် ဒီအတိုင်းသွားနေမယ်ဆိုရင် မိန်းမဦးရေ ပိုများလာပြီးတော့ ယောက်ျားဦးရေလျော့လာမယ် ဒီတော့ ပျောက်ဆုံးသွားတဲ့ ယောက်ျားနေရာမှာ မိန်းမတွေကို ဘယ်လို အစားထိုးရမလဲ အရည်ချင်းမှီလာအာင် ဘယ်လို ပြုပြင်ပေးမလဲ ဆိုတာ ပိုမို စိတ်ဝင်စားစရာကောင်းပါတယ်။ လိုအပ်တဲ့ ကွက်လပ်ကလေးတွေကို ဖြည့်ဆည်းပေးဖို့ စဉ်းစားမိဖို့လိုပါတယ်၊ အခုလူငယ်တွေရော ခေါင်းဆောင်တွေပါ စဉ်းစားဖို့လိုပါတယ်။ လိုအပ်ချက်တွေကို ကြိုတင်မဖြည့်စွက်နိုင်ရင် တောင်းဆိုလာကြမှာပါ။ လိုတယ်ဆိုတာကို ဆွဲထုတ်နိုင်မှ အလိုတွေ ပျောက်သွားနိုင်တယ်။ ဓမ္မာစင်္ကြာသုတ်မှာ “ယံ ပိစ္ဆံ နလဘတိ၊ တံ ပိ ဒုက္ခံ။ ” လိုတာကို မရတာ ဒုက္ခ၊ လိုချင်ဆိုတာ သမုဒယ၊ လိုသလောက်မရတာ ဒုက္ခ၊ ဒါကြောင့် ဗုဒ္ဓဘာသာအစ သစ္စာက၊ ဗုဒ္ဓဘာသာ၏ အစသည် အမှန်ကို နားလည်ခြင်း၊ သစ္စာတရား(၀ါ) အမှန်တရားကို အမှန်တကယ်နားလည်မှ ပညာတတ်လို့ခေါ်ထိုက်တယ်။ ဘ၀တစ်ခုလုံး၏ အမြတ်ဆုံး ဥစ္စာသည် သီလနဲ့ ပညာ၊သီလနဲ့ ပညာသည် လူသားတွေအတွက် မရှိမဖြစ်လိုအပ်တဲ့ အရာတစ်ခုပါ။ ရိုးရိုးလေးစဉ်းစားလိုက်ပါ။ သီလရှိတယ် ပညာမတတ်ရင် သူတော်ကောင်းလူအလို့ သမုတ်ခံရမှာ၊ ပညာတွေသပ်တတ်ပြီးတော့ အကျင့်ပျက်နေရင် ပညာတတ်လူမိုက်ဆိုပြီး သိပ်ကြောက်ဖို့ကောင်းတယ်။ ဒီနှစ်ခု ဟန်ချက်ညီရင်တော့ သိပ်ကောင်းတာပေ့ါ။ ပညာရှိသူတော်ကောင်းလို့ ခေါ်ထိုက်တာပေ့ါ။ လိုအပ်နေတဲ့ ကွက်လပ်ကလေးကို ဟန်ချက်ညီစွာ ဖြည့်စွက်နိုင်ကြပါစေ။