လူ့ဘဝ ဒီတစ်သက်....

လူ့ဘဝ ဒီတစ်သက်....

      လူ့ဘဝတစ်သက်က သွားသုတ်သုတ် လာသုတ်သုတ်ပါပဲ။ ဆွေမျိုးမိဘတွေရဲ့ ပြုံးပျော်ရယ်မောသံကြားမှာ ကျွန်တော်တို့ မွေးဖွားခဲ့တယ်။ ပြီးတော့ မောင်နှမဆွေမျိုးတွေရဲ့ ဝမ်းနည်းငိုရှိုက်သံကြားမှာ ကျွန်တော်တို့ ထွက်ခွာခဲ့တယ်။ ကျွန်တော်တို့ရဲ့ ရှင်ခြင်း၊ သေခြင်းကို ကျွန်တော်တို့ဆုံးဖြတ်ခွင့်မရှိ

ဘူး။ ဒါပေမဲ့ ဒီတစ်သက်ပိုင်ဆိုင်ရတာကို ကျွန်တော်တို့ဝမ်းမြောက်ပျော်ရွှင်သင့်ပါတယ်။

လူ့ဘဝက ဒီတစ်သက်လေးပါပဲ။ ဒီတစ်သက်မှာ ချမ်းမြေ့ပျော်ရွှင်တဲ့မိသားစုနဲ့ ပျော်ပျော်ရွှင်ရွှင် ဖြတ်သန်းရဖို့ကို လူတိုင်းမျှော်လင့်ကြတယ်။ ဒါပေမဲ့ ဘဝက လူ အလိုကို လိုက်နိုင်မှာမဟုတ်ဘူး။ ကျွန်တော်တို့မှာ အခက်အခဲ၊ ဦးနှောက်ခြောက်စရာကိစ္စတွေကို နေ့တိုင်း တစ်ခုမဟုတ်တစ်ခု ကြုံကြရတယ်။ လူ့ဘဝတစ်သက်မှာ လက်မှိုင်ချရတဲ့အချိန်အခါတွေ၊ ရင်ဆိုင်ကြုံတွေ့ရတဲ့ အချစ်၊ အမုန်းတွေ အများကြီးရှိတယ်။ ဒါပေမဲ့ လူ့ဘဝဟာ ဒီတစ်သက်လေးပဲရှိတယ်လို့ တွေးတောလိုက်ရင် ခွင့်မလွှတ်နိုင်စရာ၊ လက်မလွတ်နိုင်စရာ ဘာများရှိဦးမလဲ? လူ့ဘဝထဲက အခက်အခဲ၊ ရန်ငြိုး၊ အချစ်၊ အမုန်း၊ စိတ်ရှုပ်စရာတွေက နောင်ဆယ်စုနှစ်မှာ အခိုးအငွေ့နဲ့ ပျောက်ကုန်သွားနိုင်တာမို့ ဘာအတွက် မကျေမနပ်၊ ဘာအတွက် မဖြေရှင်းနိုင်စရာ ရှိဦးမလဲ?

လူ့ဘဝက ဒီတစ်သက်လေးပါပဲ။ ဒီတစ်သက်ကို ပျော်ပျော်ရွှင်ရွှင်နဲ့ ကျွန်တော်တို့ဖြတ်သန်းသင့်တယ်။ ဘဝရဲ့ယုံကြည်မှုတွေ ကျွန်တော်တို့ လက်မလွတ်သေးသမျှ၊ စိတ်ကူးအိပ်မက်တွေကို လိုက်လံရှာဖွေရင်း အရာရာကို အကောင်းမြင်စိတ်နဲ့ ရင်ဆိုင်မယ်၊ ရိုးသားကြိုးစားမယ်၊ အခွင့်အရေးကောင်းတွေကို အမိအရဖမ်းဆုပ်မယ်၊ တိကျမှန်ကန်တဲ့ ဆုံးဖြတ်ချက်တွေရှိမယ်ဆိုရင် ဘဝရဲ့အိပ်မက်တွေကို ကျွန်တော်တို့ အကောင်အထည်ဖော်နိုင်မှာဖြစ်တယ်။ လူ့ဘဝတစ်သက်က တိုတောင်းတာမို့ အသက်အရွယ်ပိုင်းတိုင်းကို လှပတောက်ပနေအောင် ကျွန်တော်တို့ကြိုးစားသင့်ပါတယ်။

လူ့ဘဝက ဒီတစ်သက်လေးပါပဲ။ ဒီတစ်သက်ကို အလာဟသမဖြစ်ပါစေနဲ့။ ဒါကြောင့် ပျော်ရွှင်ခြင်းနဲ့စတင်ပြီး သင်လုပ်ချင်တာကို လုပ်ပါ။ သင်ချစ်ချင်တာကို ချစ်ပါ။ အမှားလုပ်မိခဲ့ရင် နောင်တမရပါနဲ့၊ မညည်းတွားပါနဲ့၊ လောကမှာ ပြီးပြည့်စုံတဲ့လူဆိုတာ မရှိပါဘူး။ အမှားထဲကနေ သင်ယူပါ။ လဲကျသွားရင် အသစ်တဖန် ပြန်ထရပ်ပါ။ နောက်ထပ် ရှေ့ဆက်လှမ်းမယ့်ခြေလှမ်းတွေ ပိုခိုင်မြဲတည်ငြိမ်မယ်လို့ ယုံကြည်ထားပါ။ မိုးသက်လေပြင်း မကျရောက်ခဲ့ရင် လှပတဲ့သက်တန့်လည်း ပေါ်ထွက်လာနိုင်မှာ မဟုတ်ပါဘူး။

လူ့ဘဝက ဒီတစ်သက်လေးပါပဲ။ လူ့လောကထဲကို အလျင်စလိုနဲ့ရောက်လာခဲ့တဲ့ ကျွန်တော်တို့မှာ ကြိုးစားရုန်းကန်ဖို့ ရည်ရွယ်ချက်တစ်ခုတော့ရှိရတယ်။ ကြိုးစားရုန်းကန်သင့်တာကို ကျွန်တော်တို့ကြိုးစားရုန်းကန်တယ်၊ ရင်ဆိုင်ဖြေရှင်းသင့်တာကို ကျွန်တော်တို့ရင်ဆိုင်ဖြေရှင်းတယ်ဆိုပေမယ့် ဒါဟာ ကျေနပ်အားရစရာ မဟုတ်သေးပါဘူး။ တခြားရှုထောင့်ကနေ ကျွန်တော်တို့ဆန်းစစ်ကြတဲ့အခါ လူ့ဘဝတစ်သက်မှာ ကျွန်တော်တို့ အကောင်အထည်မဖော်နိုင်သေးတဲ့ အိပ်မက်တွေ၊ ကျွန်တော်တို့ အရောက်မလှမ်းနိုင်သေးတဲ့ ရည်ရွယ်ချက်ပန်းတိုင်တွေ ရှိနေပါသေးတယ်။ အကောင်အထည် မဖော်နိုင်သေးတဲ့ စိတ်ကူးအိပ်မက်တွေ၊ အရောက်မလှမ်းနိုင်သေးတဲ့ ရည်ရွယ်ချက်ပန်းတိုင်ကို ကျွန်တော်တို့ လှမ်းမျှော်ကြည့်မိတဲ့အခါ အနိုင်အရှုံးကိုအစွဲမရှိတဲ့ စိတ်ဓာတ်တစ်ခု ကျွန်တော်တို့မှာရှိသင့်ပါတယ်။ ကျွန်တော်တို့ အားသွန်ခွန်စိုက်ကြိုးပမ်းခဲ့တဲ့ ကိစ္စရပ်တစ်ခုဟာ အောင်မြင်သည်ဖြစ်စေ၊ ရှုံးနိမ့်သည်ဖြစ်စေ ကျွန်တော်တို့ အားရကျေနပ်သင့်ပါတယ်။ အနည်းဆုံးတော့ ကျွန်တော်တို့ ခွန်အားစိုက်ထုတ် ကြိုးစားခဲ့ဖူးလို့ ကိုယ့်စိတ်ကို ကိုယ်လိပ်ပြာလုံစေခဲ့လို့ဖြစ်တယ်။

လူ့ဘဝက ဒီတစ်သက်လေးပါပဲ။ ဒီတစ်သက်မှာ ပေါ့ပေါ့ပါးပါး လွတ်လွတ်လပ်လပ် ရှင်သန်သင့်ပါတယ်။ ပေါ့ပေါ့ပါးပါး၊ လွတ်လွတ်လပ်လပ် ရှင်သန်ချင်ရင် "မှတ်သားသင့်တာကို မှတ်သားပါ။ မေ့သင့်တာကို မေ့ပစ်ပါ။ ပြောင်းလဲသင့်တာကို ပြောင်းလဲပါ။ ပြောင်းလဲလို့မရတာကို လက်ခံပါ"ဆိုတဲ့ အဆိုကို သင်လိုက်နာရပါမယ်။ ဒီလိုမှပဲ လွတ်လပ်ပေါ့ပါးတဲ့ ဘဝနဲ့ သင်ရှင်သန်နိုင်မှာဖြစ်တယ်။

လူ့ဘဝက ဒီတစ်သက်လေးပါပဲ။ ဒီတစ်သက်မှာ တောင်းဆိုမှုတွေ မများပါနဲ့။ လိုချင်တပ်မက်မှုတွေ မများပါနဲ့။ ပင်ပင်ပန်းပန်း လိုက်လံရှာဖွေပြီး ဘာမှအကျိုးအမြတ်မရခဲ့ရင် ဒီလိုရှုထောင့်လေးပြောင်းပြီး ကျွန်တော်တို့ တွေးကြည့်နိုင်ပါတယ်။ "ဘုရားသခင်က တခြားလူထက် ငါ့ကို ပိုထိုးမဖောက်စေချင်ရင်၊ တခြားလူထက် ငါ့ကို ပိုမမြင့်တက်စေချင်ရင် ငါက ဘာအတွက် ခေါင်းမာပြီးတောင်းဆိုနေဦးမလဲ?"

တခြားလူက နာမည်ကျော်ကြားပြီး ကိုယ်တိုင်ကျတော့ လူမသိ၊ သူမသိ သာမန်လေးပဲဆိုရင် ဒီလိုပြောင်းတွေးကြည့်ပြီး ကိုယ့်ကိုယ်ကို ကျွန်တော်တို့နှစ်သိမ့်နိုင်ပါတယ်။ "ငါ့အတွက်ဆိုရင် ငါမလိုချင်လည်း ငါ့ဆီရောက်လာမှာပဲ။ ငါ့အတွက်မဟုတ်ရင် ငါဘယ်လောက် ကြိုးစားလည်း ငါပိုင်ဆိုင်ရမှာ မဟုတ်ဘူး။ ငါ့အတွက်မဟုတ်တဲ့အရာကို ပိုင်ဆိုင်နိုင်ဖို့ ငါဘာလို့ ဦးနှောက်ခြောက်ခံနေသေးလဲ!"

ငွေကြေး၊ ရာထူးအာဏာ၊ နာမည်ဂုဏ်ရှိန် ဒါတွေဟာ အရေးမကြီးပါဘူး။ အရေးကြီးတာက ကိုယ့်ကိုယ်ကို ဘာဖြစ်လို့ ကောင်းကောင်းမဆက်ဆံရမလဲဆိုတာပါပဲ။ လောကကြီးတစ်ခုလုံးကို ပိုင်ဆိုင်ထားလဲ သေဆုံးသွားတဲ့အခါ အရာအားလုံးက ပျောက်ကွယ်သွားတာပါပဲ။ ဒီလိုတာ ကျွန်တော်တို့တွေးတောနိုင်ခဲ့ရင် ဦးနှောက်ခြောက်စရာ၊ ပကာဓနအရှိန်အဝါတွေနဲ့ ကိုယ့်ကိုယ်ကိုပိုစိတ်ညစ်အောင် ကျွန်တော်တို့ ထပ်မလောင်းမိနိုင်တော့ပါဘူး။

လူ့ဘဝက ဒီတစ်သက်လေးပါပဲ။ ဒီတစ်သက်မှာ ပျော်ရွှင်ဖို့က အဓိကပါ။ ပျော်ရွှင်ရင်လည်း ဒီတစ်ရက်ပါပဲ။ စိတ်ညစ်ရင်လည်း ဒီတစ်ရက်ပါပဲ။ ဘာဖြစ်လို့ ဒီတစ်ရက်ကို စိတ်ညစ်တာနဲ့ ကုန်ဆုံးစေမလဲ!

ဟုတ်ပါတယ်... လူ့ဘဝက ဒီတစ်သက်လေးပါပဲ။ အမှားလုပ်မိရင် အစကပြန်စလို့မရနိုင်တဲ့ ဒီတစ်သက်၊ အသဲကြွေရင် ပြန်ဆက်လို့ခက်တဲ့ ဒီတစ်သက်၊ ဒီကနေ့ကိုကုန်ဆုံးပြီးရင် နောက်ထပ် ဒီကနေ့ကို ပြန်မရနိုင်တော့တဲ့ ဒီတစ်သက်၊ တစ်စက္ကန့် တစ်မိနစ်ကို အစားပြန်မရနိုင်တော့တဲ့ ဒီတစ်သက်၊ ဘာဖြစ်လို့ ဒီတစ်သက်ကို ကျွန်တော်တို့ ကောင်းကောင်းတန်ဖိုးမထားနိုင်ရမလဲ! ဘာဖြစ်လို့ ဒီတစ်သက်ကို ဝမ်းနည်းကြေကွဲခြင်းတွေနဲ့ ပြည့်နေရမလဲ! ဘာဖြစ်လို့ အမုန်းနောင်တတွေနဲ့ ပြည့်နေစေမလဲ?

လူ့ဘဝက ဒီတစ်သက်လေးပါပဲ။ ဒီတစ်သက်မှာ ကိုယ့်ကိုယ်ကို ဖမ်းဆုပ်တတ်ဖို့ သင်ယူရပါတယ်။ ဘဝကို ပေါ့ပေါ့ပါးပါးနဲ့ ရင်ဆိုင်နိုင်သလို အကောင်းမြင်စိတ်နဲ့ ဖမ်းဆုပ်နိုင်ပါတယ်။ အလိုမကျတဲ့အခါပဲဖြစ်ဖြစ်၊ အလိုကျတဲ့အခါပဲဖြစ်ဖြစ်၊ မခံမရပ်နိုင်တဲ့အခါပဲဖြစ်ဖြစ်၊ နာကျင်ဝမ်းနည်းခြင်းထဲ နစ်ဝင်နေတဲ့အခါပဲဖြစ်ဖြစ်... ဘယ်လိုပဲဖြစ်ဖြစ်.... ဒီတစ်သက်ကိုပိုင်ဆိုင်ရလို့ ကံကောင်းတယ်ဆိုတာကို တွေးလိုက်ပါ။

လူ့ဘဝက ဒီတစ်သက်လေးပါပဲ။ နောင်ဘဝဆိုတာရှိမရှိ ကျွန်တော်တို့ မသိနိုင်ပါဘူး။ ဒါကြောင့် ပြုံးရယ်ပျော်ရွှင်ခြင်းနဲ့ ဒီတစ်သက်ကိုစတင်ပါ။ ရှင်သန်တဲ့ဒီတစ်သက်မှာ ပျော်ရွှင်နေဖို့က အဓိကပါ။ ကျန်းမာတဲ့ စိတ်ခန္ဓာတစ်ခုပိုင်ဆိုင်ပြီး ကိုယ်လုပ်ချင်တဲ့အလုပ်ကို ပျော်ရွှင်တဲ့စိတ်နဲ့လုပ်ပါ။ ကိုယ့်တန်ဖိုးကို ကိုယ်အကောင်အထည်ဖော်တာဟာ လူ့ဘဝရဲ့အပျော်ရွှင်ဆုံးပါပဲ။

လှပတဲ့ရှုခင်းတွေ အမြဲမတည်နိုင်၊ ပန်းကောင်းတွေ ကြာကြာမပွင့်လန်းနိုင်ဆိုသလို လူ့ဘဝကလည်း တိုတောင်းလွန်းပါတယ်။ ဒါကြောင့် တန်ဖိုးထားမြတ်နိုးပါ။ ကောင်းကောင်းဆက်ဆံပါ။ အမိအရ ဖမ်းဆုပ်ပါ။ သင့်ဘေးက လူတွေကို တန်ဖိုးထားမြတ်နိုးပါ။ အထူးသဖြင့် သင့်ကိုယ်သင် တန်ဖိုးထားမြတ်နိုးတတ်ဖို့ လိုပါတယ်။ ကိုယ့်ကိုယ်ကို တန်ဖိုးထားမြတ်နိုးတတ်မှ လူတွေကို သင်တန်ဖိုးထား မြတ်နိုးတတ်မှာဖြစ်တယ်။

မူရင်း-- http://www.duwenzhang.com/wenzhang/renshengzheli/ganwu/20110402/177...

နိုင်းနိုင်းစနေ ဘာသာပြန်သည်။