မြန်မာနိုင်ငံ ရုပ်ရှင်အစည်းအရုံး အဖွဲ့သစ်တွင် ၀င်ရောက် ရွေးချယ်ခံမည့် သူများ၏စာရင်းကို ထုတ်ပြန်ထားပြီး အဓိက သရုပ်ဆောင် အလွှာတွင် သရုပ်ဆောင်ကျော်သူ ၀င်ရောက်ယှဉ်ပြိုင်

မြန်မာနိုင်ငံ ရုပ်ရှင်အစည်းအရုံး အဖွဲ့သစ်တွင် အမှုဆောင်များအဖြစ် ၀င်ရောက်ယှဉ်ပြိုင် ရွေးချယ်ခံ မည့်သူများ၏ စာရင်းကို မတ်လ ၁၇ ရက်နေ့တွင် ထုတ်ပြန်ကြေညာထားခဲ့ပြီး အဓိက သရုပ်ဆောင်အလွှာ အနေဖြင့် သရုပ်ဆောင် ကျော်သူလည်း ၀င်ရောက်ယှဉ်ပြိုင်ရန် ပါဝင်သည် ဟု သတင်းရရှိသည်။
“ရုပ်ရှင် အစည်းအရုံး ပြန်လည် ဖွဲ့စည်းတော့မယ် ဆိုတာ သတင်းကြားတဲ့အချိန်မှာ ကျွန်တော့်အတွက် ကျေးဇူးမကင်းတဲ့ ရုပ်ရှင်လောကကို တိုးတက်စေလိုတဲ့ စေတနာနဲ့ ကျွန်တော့်မှာရှိတဲ့ လူမှုရေးစိတ်ဓာတ်၊ အနုပညာစိတ်ဓာတ်တွေနဲ့ ကျေးဇူးဆပ်လိုတာကြောင့် ပါဝင်ရွေးချယ်ခံဖို့ စိတ်ကူးဖြစ်ခဲ့ပါတယ်။ ကျွန်တော့် အနေနဲ့ကတော့ ဒီလောက အကျိုးတတ်စွမ်းသမျှ ဆောင်ရွက်ချင်တဲ့စိတ်နဲ့ လျှောက်ထားဖြစ်တာပါ” ဟု သရုပ်ဆောင် ကျော်သူ က ရှင်းပြခဲ့သည်။
အလွှာအလိုက် ၀င်ရောက်အရွေးချယ်ခံမည့် အနုပညာရှင်များမှာ ဒါရိုက်တာအလွှာတွင် ဒါရိုက်တာ မျိုးဇော်အောင်၊ ညွန့်မြန်မာ ညီညီအောင်၊ မောင်မျိုးမင်း(ရင်တွင်းဖြစ်)၊ အိအိခိုင်၊ ဇော်မြင့်ဦး၊ ဦးသိန်းထွဋ်၊ အဏ်ထော်ဏီ၊ ညီညီထွန်းလွင်တို့ ဖြစ်ကြသည်။ ဇာတ်လမ်းဇာတ်ညွှန်း အလွှာတွင် မောင်ရွှေစွန်၊ ဒေါ်ယဉ်ယဉ်လဲ့၊ နေနော်၊ ဆုသြချယ်၊ အေးကြူလေး၊ နေစိုးသော်၊ ဦးငြိမ်းမင်းတို့မှ ၀င်ရောက် အရွေးချယ်ခံမည် ဖြစ်သည်။
အဓိက သရုပ်ဆောင်အလွှာတွင် မေသန်းနု၊ ဇင်ဝိုင်း၊ သန်းဝင်း၊ လူမင်း၊ပြေတီဦး၊ ဝေဠုကျော်၊ နေမျိုးအောင်၊ မေသဉ္ဇာဦး၊ ထွန်းအိန္ဒြာဗို၊ သန်းသန်းစိုး၊ ရန်အောင်၊ ကျော်သူ တို့ ပါဝင် အရွေးချယ်ခံမည် ဖြစ်သည်။ ဇာတ်ပို့ဇာတ်ရံ အလွှာတွင် မတူး၊ ကိုကိုဦး၊ အောင်ခိုင်၊ ကြူကြူသင်း၊ အရိုင်းမင်း၊ အောင်ဇော်၊ အရိုင်း၊ ခင်လှိုင်၊ ကျောက်ရိုင်း အောင်မြတ်၊ ဦးဝင်းထိုက်၊ ဦးကြူးမား၊ ဒေါ်သဇင်ထွန်း၊ ဦးနိုင်လူတို့ ပါဝင်မည်ဖြစ်ပြီး စက်မှုလက်မှု အခြေခံအလွှာတွင် ဦးတင့်ဆန်း၊ ငွေစိုး၊ မောင်လုံး၊ ကိုနီ၊ လှသိန်း၊ ကျော်ညွန့်၊ သားကျော်၊ ကိုကိုဌေး တို့က ရွေးချယ်ခံမည် ဖြစ်သည်။
အုပ်ချုပ်ဖြန့်ချိ ပြသအလွှာတွင် လှသိန်း၊ သန်းမြင့်ဦး၊ ဇော်မိုး ထွေး၊ ဌေးအောင်၊ မောင်မောင်၊ စိုးနိုင်၊ ကျော်ဦး၊ အောင်နိုင်၊ မောင်မောင်နိုင်၊  ဦးဇော်မင်း(မင်္ဂလာ) တို့ ပါဝင်မည် ဖြစ်သည်။ ထုတ်လုပ်သူ အလွှာတွင် ဒေါ်မင်းမင်းသက်၊ ဦးမျိုးဝင်း၊ ဦးဘုန်းမော်၊ ဦးကျော်ဝဏ္ဏတို့ ပါဝင်မည်ဖြစ်သည်။ ပြဇာတ်အလွှာတွင် ဦးခင်မောင်ချင်းနှင့် ဦးခင်မောင်ကြီး တို့ ရွေးချယ်ခံမည်ဖြစ်ပြီး ဗီဒီယို အခြေခံအလွှာတွင် ဦးဝင်းကို၊ ဦးစိုးမိုး၊ ဦးစိုးသိမ်း၊ ဒေါ်ကေခိုင်စိုး၊ ဦးပြူး၊ ဦးဝင်းထိုက်အောင်၊ ဦးမျိုးဇော်၊ ဦးကျော်လင်းထွန်း၊ ဦးဝင်းကြည်၊ ဦးမင်းအောင်ကျော်အေး၊ ဦးကျော်မြင့် တို့ ပါဝင်မည် ဖြစ်သည်။
သရုပ်ဆောင်ကျော်သူသည် ၁၉၈၄ ခုနှစ်တွင် ‘ချစ်ကြိုးလေးနှစ်မျှင်’ ရုပ်ရှင်ဇာတ်ကားဖြင့် ရုပ်ရှင် လောကအတွင်းသို့ စတင် ၀င်ရောက်ခဲ့သူ ဖြစ်သည်။ ၁၉၉၄ခုနှစ်တွင် ‘တစ်ပြည်သူမရွှေထား’ ရုပ်ရှင်ဇာတ်ကား နှင့် အမျိုးသား ဇာတ်ဆောင်ဆုကိုရ ရှိပြီးနောက် ၂၀၀၃ ခုနှစ်တွင် ‘အမေ့ နို့ဖိုး’ ရုပ်ရှင်ဇာတ်ကားနှင့် ဒါရိုက်တာထူးချွန်ဆု ရရှိထားသူဖြစ်သည်။ ၂၀၀၇ ခုနှစ် နောက်ပိုင်းမှစတင်၍ ၎င်း၏ အနုပညာ လှုပ်ရှားမှုများအား ပိတ်ပင်ခံထားရသူ တစ်ဦးဖြစ်သည်။