ပန်းရောင်ကမာကောင်ရဲ့ရာဇဝင်......(ဝတ္တုတို)

ပန်းရောင်ကမာကောင်ရဲ့ရာဇဝင်

“ကောင်လေး… ကမာကောင်ရဲ့ ရာဇဝင်ကိုသိလား? ကြားဖူးတာတစ်ခုက ပန်းရောင်ကမာကောင်ရဲ့ ဆက်နေတဲ့ အခွံနှစ်ခုကို ချစ်သူနှစ်ယောက် ပင်လယ်ထဲအတူ ပစ်ချခဲ့ရင် အဲဒီချစ်သူနှစ်ဦး ရာသက်ပန် ပေါင်းရတယ်တဲ့”
“အူကြောင်ကြောင်နဲ့ ကောင်မလေးရယ်! ဒီလို ရာဇဝင်ကိုလည်း ယုံသတဲ့လား! စိတ်ချပါ… ဒီလိုကမာကောင်မရှိလဲ ငါတို့နှစ်ယောက် ရာသက်ပန် ပေါင်းရမှာပါ။ ပေါင်းရအောင်လဲ ငါကြိုးစားမယ်။ နင်အတွေး မများနဲ့နော် ကောင်မလေး!”
“အင်း… ငါတို့ ကမာကောင် မလိုပါဘူးနော် ကောင်လေး”
ကောင်လေးရဲ့အပြောကို ကောင်မလေးက ခပ်ပြုံးပြုံးပြန်ဖြေတယ်။
လအနည်းငယ်အကြာမှာ ကောင်မလေး ပျောက်သွားခဲ့တယ်။
ဖုန်းလည်း ဆက်သွယ်လို့မရ၊ အိမ်လည်း သော့ခတ်လို့ ကောင်မလေး တစ်ယောက် ခြေရာ ဖျောက်သွားခဲ့တယ်။ ကောင်မလေးကို ကောင်လေး အတတ်နိုင်ဆုံး လိုက်ရှာခဲ့ပေမယ့် ရှာမတွေ့ခဲ့ဘူး။ သူ့ကို ကောင်မလေး လှည့်စား လိမ်ညာသွားပြီလို့ ကောင်လေး မျှော်လင့်ချက်မဲ့ ထင်ခဲ့တယ်။ မကြာပါဘူး…. ကောင်မလေးကို လွမ်းတဲ့စိတ်နဲ့ ကောင်လေး ပေတေခဲ့တယ်။ အရက်သောက်တယ်၊ ရန်ဖြစ်တယ်။

—————————————————————————————————————————————————-

“သူ့ကို မပြောပြတာကို နင်နောင်တ မရဘူးလား?”
ကောင်မလေးရဲ့ သူငယ်ချင်းက ကောင်မလေးကို မေးတယ်။
“အင်း… မရပါဘူး။ ငါ့မှာရောဂါရှိကြောင်း သူ့ကိုမသိစေချင်ဘူးလေ.. ဒါကြောင့် ငါပုန်းရှောင်နေတာ”
“သူငိုမှာစိုးလို့လား? သူစိတ်မကောင်းမှာ စိုးလို့လား?”
“အင်း… ” သူငယ်ချင်းရဲ့အမေးကို ကောင်မလေး ခေါင်းညိတ်ရုံသာ အဖြေပေးနိုင်ခဲ့တယ်။
“နင်မရှိတော့မှ သူ့ကို ငါပြောပြရမလား?”
ဒီအမေးကို ကောင်မလေး ဖြေနိုင်စွမ်း မရှိခဲ့ဘူး။ သူငယ်ချင်းကို ဗွီဒီယိုရိုက်စက် ယူခိုင်းပြီး သူ့ကို ဗွီဒီယို ရိုက်စေခဲ့တယ်။
“ရိုက်ပြီးရင် ဒီအခွေ သူ့ကို ပေးပေးပါနော်”

—————————————————————————————————————————————————-

ကောင်လေးရဲ့မွေးနေ့မှာ ကောင်မလေးရဲ့သူငယ်ချင်း ရောက်လာခဲ့တယ်။
“ရော့… ဒါ နင့်အတွက်”
“ငါ့မွေးနေ့ လက်ဆောင်လား! နင်ကလဲ အားနာစရာဟာ၊ ငါ့ကို နောက်ဖို့တော့ မဟုတ်ပါဘူးနော်”
“ဒီခွေကို နင်ကြည့်ပြီးရင် သိလိမ့်မယ်”
ကောင်မလေးရဲ့သူငယ်ချင်းက မျက်ရည် အဝဲသားနဲ့ ပြောတယ်။
သူငယ်ချင်းရဲ့အပြုအမှုကြောင့် ကောင်လေးတစ်ချက် မှင်သက်သွားတယ်။ အိမ်ရောက်ရောက်ချင်း အခွေကို သူဖွင့်ကြည့်တယ်။ ခွေထဲမှာ ကောင်မလေးရဲ့ အရိပ်ကိုမြင်တယ်။ လူနာ ကုတင်ပေါ်မှာ ကောင်မလေး ခပ်ပြုံးပြုံးထိုင်ရင်း စကားစတယ်။
“ကမာကောင်ရဲ့ ရာဇဝင်ကို မှတ်မိသေးလား ကောင်လေး? ပန်းရောင် ကမာကောင်ကို ငါသွားရှာသေးတယ်။ ရှာလို့လည်း မတွေ့ခဲ့ပါဘူး။ ငါ့ကို အူကြောင်ကြောင်နဲ့ ဆိုပြီး နင်ပြောဦးမလား? ပန်းရောင် ကမာကောင်ကို ငါအရမ်းရှာတွေ့ချင်တယ်။ နင်နဲ့ငါ ရာသက်ပန် အတူနေချင်လို့ပါ…. ”
သက်ပြင်း ခပ်တိုးတိုးလေး တစ်ချက် ကောင်လေး ချမိတယ်။ အခွေထဲက ကောင်မလေးရဲ့ဆို့နင့်သံက လွှင့်ပျံလာပြန်တယ်။
“ငါရှောင်ပုန်းနေလို့ ငါ့ကို နင်အရမ်း မုန်းမိမှာပဲနော်။ နင့်ကိုငါ လှည့်စားသွားပြီလို့ နင်ထင်နေမှာပဲ။ ငါဘာဖြစ်လို့ ကမာကောင် သွားရှာခဲ့လဲ နင်သိလား ကောင်လေး! နင်နဲ့ ရာသက်ပန် အတူနေဖို့ ငါ့မှာ ကိုယ်ပိုင်အင်အား မရှိလို့ပါကောင်လေး..
ငါ အစာအိမ် ကင်ဆာရောဂါ ခံစားနေရတယ် ကောင်လေး! နှစ်ဝက်တောင် အသက် မရှင်နိုင်တော့ဘူးလို့ ဆရာဝန်က ပြောတယ်။ ဒါကြောင့် နင့်ကိုငါ ရှောင်ပုန်းခဲ့တယ် ကောင်လေးရယ်။ နင့်ကိုငါ ပြောမပြတော့ဘူးလို့ ဆုံးဖြတ်ထားတယ်။ ဒါပေမယ့် ငါ့သူငယ်ချင်းက ငါမရှိတော့တဲ့နောက် နင့်ကို သွားပြောပြမှာပဲ။ အဲဒီအချိန်ကျရင် သူ့စကားကို နင်ယုံမှာ မဟုတ်ဘူး။ ဒါကြောင့် ငါခွေရိုက်ပြီး ထည့်ပေးလိုက်တယ်။ နင့်အတွက် ငါ့ရဲ့ နောက်ဆုံး စကားတွေပေါ့။ ဒီခွေကို နင်လက်ခံရရှိတဲ့အချိန် ငါ့အတွက် အချိန်ဘယ်လောက်မှ ကျန်တော့မှာမဟုတ်ဘူး။
“နင့်ကို ငါချစ်တယ်” ငါပြောခဲ့ပါရစေ…. အခုချိန်မှာ ငါဟာ ပန်းရောင် ကမာကောင်ကို အရမ်းလိုအပ်နေပါတယ် ကောင်လေးရယ်..”
ကောင်မလေးရဲ့ ကြေကြေကွဲကွဲ အသံကြောင့် ကောင်လေး မျက်ရည်တွေ ဆို့တက်လာတယ်။ မျက်ရည်တွေ ပြည့်နေတဲ့ အကြည့်တွေကြားမှာ ကောင်မလေးရဲ့ ပုံရိပ်ကို မှုန်ဝါးဝါးသာ မြင်ရပြီး တိုးညင်းတဲ့ အသံကိုပဲ ကောင်လေး ကြားနေရတယ်။
“ကောင်လေး…. နင့်ကိုငါ အရမ်းချစ်တယ်… ငါနှုတ်ဆက်ခဲ့ပါတယ်”
မျက်လုံးအိမ်မှာ ပြည့်နေတဲ့ မျက်ရည်တွေက ကောင်လေး ပါးပြင်ထက် တရဟော စီးကျလာခဲ့တယ်။
“ငါ မငိုခဲ့တာ တော်တော်ကြာပြီ ကောင်မလေးရဲ့…”
ခွေကိုစက်ထဲကထုတ်ပြီး ရင်ခွင်ထဲ တင်းတင်းပွေ့ထားရင်း ကောင်လေးပြောတယ်။
“နင့်ကိုလဲ ငါအရမ်းချစ်တယ် ကောင်မလေးရယ်…”

—————————————————————————————————————————————————-

ရက်အနည်းငယ် အကြာမှာ ကောင်မလေးရဲ့ သူငယ်ချင်းက ကောင်လေးကို သွားခေါ်ခဲ့တယ်။
“နင်တကယ်ပဲ ပန်းရောင် ကမာကောင်ကို ရှာတွေ့ခဲ့တာလား!”
“အင်း… ဟုတ်တယ်။ ဘယ်တော့မှ သူ့သူငယ်ချင်းတွေ သူ့ကို ဝင်တွေ့ခွင့်ပေးမလဲ?”
“အင်း.. အခုရပြီ ထင်တယ်.. လာ”
ကောင်မလေးရဲ့ အသုဘ အခမ်းအနားထဲဝင်ပြီး ကောင်မလေးကို သူတို့ ဝင်တွေ့ခဲ့တယ်။
ကောင်မလေးကို တွေ့တော့ ကောင်လေးက “နင် မကောင်းဘူး… ငါ့ထက်အရင် ထွက်သွားခဲ့တယ်။ ပန်းရောင် ကမာကောင်ကို ငါရအောင် ရှာခဲ့တယ် ကောင်မလေး။ အခွံတစ်ခြမ်းကို ငါပင်လယ်ထဲ ပစ်လိုက်ပြီ။ ဒီအခွံတစ်ခြမ်းက နင့်အတွက်….”
ကောင်လေးက ပြောပြောဆိုဆို အခွံတစ်ခြမ်းကို မီးထဲ ပစ်ထည့်လိုက်တယ်။
“နင်လည်း ဒီအခွံကို ပင်လယ်ထဲ ပစ်လိုက်နော်။ ဒါမှ နောင်ဘဝမှာ ငါတို့ အတူတူ ထာဝရ နေကြရမှာ”
သူ့အတွက် ကောင်မလေးထားခဲ့တဲ့ ဆွဲကြိုးကို ကောင်လေးနမ်းရှုံ့လိုက်ပြီး
“ဒီဆွဲကြိုးကို ငါတစ်သက်လုံး သိမ်းထားမယ်။ နင့်ကို ပန်းရောင် ကမာကောင်ပေးလို့ ပြန်ရတဲ့ လက်ဆောင်အဖြစ် ငါ တစ်သက်လုံး သိမ်းထားမယ်။ နင်လည်း နင့်လက်ထဲက လက်စွပ်ကို ဘယ်တော့မှ မချွတ်နဲ့နော်… နင့်ကို ငါချစ်တယ် ကောင်မလေး ပန်းရောင် ကမာကောင်ရဲ့ ရာဇဝင်ကိုလည်း ငါဘယ်တော့မှ မမေ့ပါဘူး။ နောင်ဘဝမှာ ငါတို့ရာသက်ပန် ပေါင်းဖက်ကြမယ် ကောင်မလေးရယ်”
ပန်းရောင် ကမာကောင်ကို မြင်ဖူးပါသလား! ပန်းရောင် ကမာကောင်ရဲ့ ရာဇဝင်ကို ကြားဖူးပါသလား! မမြင်ဖူး၊ မကြားဖူးလည်း ချစ်သူတိုင်း ရာသက်ပန် ပေါင်းဖက်နိုင်ပါစေ…

မူရင်း– google search or 貝殼ㄉ傳說

နိုင်းနိုင်းစနေ ဘာသာပြန်သည်။