_December 21, 2012 ခုနေ့မှာ ကျွန်ုပ်တို့ကမ္ဘာကြီး ပျက်လိမ့် မည် လို့ဆိုတဲ့သတင်းက ၂၀၁၀ လောက်ဆီ ကတည်း
က
ရေပန်းစား နေခဲ့သလို မကြာခင်မှာပဲ ထိုမာယန်တို့၏ ပစ်မှတ်ဒီဇင်ဘာ၂၁ ရက်ကို
ရောက်ဖို့ ရက်ပိုင်းသာ လိုတော့သည်။ကမ္ဘာပျက် မည်ဆိုသော ဟောကိန်းက
မဖြစ်နိုင်ပေမယ့် ထိုဟောကိန်းကို ရုပ်ရှင်ဖြင့် သရုပ်ဖော် ရိုက်ကူးလို့
ဒေါ်လာသန်း ရာပေါင်းများစွာကို သဲ့ယူသွား ကြသလို Website တွေကို
လူစိတ်ဝင်စား လာရအောင် ဖန်တီး ယူနေကြပြီး အများစုက မာယန်ပြက္ခဒိန်ကို မှီ၍
စီးပွားတွေ ဖြစ်သွားကြသူတွေ ကလည်း ဒုနဲ့ဒေး ရှိနေကြလျက်၊ မာယာပြက္ခဒိန်ရဲ့ 
ဟောကိန်း မတိုင်ခင်မှာလည်း ၁၉၉၉ ဇူလိုင်လမှာ ကမ္ဘာ့ အဏုမြူ စစ်ကြီး
ဖြစ်လိမ့်မယ်၊
ကမ္ဘာပျက်လိမ့်မယ်လို့ နော်ထရာဒမ်မတ်စ် Notradamus ရဲ့
ဟောကိန်းကိုမှီပြီး စာအုပ် ထုတ်သူတွေကလည်း သူတို့စာအုပ် Bestseller ရအောင်
သတင်းမီဒီယာ တွေနဲ့ပေါင်းပြီး လုပ်ဇာတ်များ ဖြည့်စွက် ဖန်တီးခဲ့ကြသူ
များကလည်း ရှိနေခဲ့ကြသလို အထူးသဖြင့် ဂျပန်မှာ အဏုမြူ ရောင်ခြည်ဒဏ်မှ
လွတ်ရန် မြေအောက်ခန်း တွေ ကို ဆောက်ကြလို့ Gas Mask များကလည်း ၁၉၉၈ ကတည်းက
ရောင်းပန်းတွေ လှနေခဲ့ဖူးသည်။
ဘယ်လောက်တောင်လည်း ဆိုတော့ ရုရှား မော်စကိုမှ အကြား အမြင် ဆရာမ
တစ်ယောက်က ရုရှားအစိုးရ၏ အစီအစဉ်ဖြင့် ကမ္ဘာလှည့် ၍ ၁၉၉၉ မှာ ကမ္ဘာပျက်မည့်
အကြောင်းကို ရုရှားသံရုံးမှ တစ်ဆင့် သံအမတ် ကတော်များကို ဖိတ်ကြား၍
ဟောပြောပွဲများ လုပ်ခဲ့ဖူးသည်။ ၁၉၉၉ ခုနှစ်ဦးမှာ ထိုအကြားအမြင် ဆရာမလေးက
မြန်မာပြည် ရုရှား သံရုံးကို ရောက်လာ ခဲ့ဖူးသည်။
ဒီတုန်းက ရုရှားသံရုံး၏ ဖိတ်ကြား ချက်ကြောင့် ဆရာဒဂုန်နဲ့ စာရေးသူက
ရုရှားသံရုံး၌ ကျင်းပသော ထိုဟောပြောပွဲသို့ တက်ရောက်ခဲ့ကြသည်။ အကြားအမြင်
ဆရာမလေးက လည်း နော်ထရာဒမ်မတ်စ် Notradamus ၏ဟောကိန်းကို သရုပ်ဖော်
ဟောပြောခဲ့ပြန်သည်။
ဟောပြောပြီးလို့ ဧည့်ခံ ကျွေးမွေးတာကို စားသုံး နေကြစဉ်မှာတော့
စာရေးသူနဲ့ သတင်းထောက်ဆရာ ဦးအောင်ရွှေဦး တို့က မယောင်မလည်နှင့် ဆရာမလေးဆီ
ချဉ်းကပ်ပြီး ဘာကိုမှ မယုံတဲ့ ကွန်မြူနစ် ရုရှားက ဘာလို့ ဒီလိုဗေဒင်ဆရာမကို
ကမ္ဘာပတ်ပြီး နိုင်ငံတော်စရိတ်နဲ့ ဒီလိုဟောပြောပွဲတွေ လုပ်ခိုင်းရတာလဲလို့
ဆရာ ဦးအောင်ရွှေဦးက မေးလိုက်တော့ ဒီလို ရှင်းပြခဲ့ဖူးသည်။
ဒီဆရာမ လေးက “ဘောရစ်ယဲလ်ဆင်”ကို လူတွေ ပခုံးပေါ် မြှောက်တင်ထားကြ တာကို
ကျွန်မမျက်စိ မြင်ကွင်းထဲ ကွင်းကွင်းကွက်ကွက် မြင်လိုက်ရ တော့ ကျွန်မက
ရဲရဲတင်းတင်း “ယဲလ်ဆင်”သမ္မတ ဖြစ်လာလိမ့်မယ်လို့ ကြိုဟောကိန်း
ထုတ်ခဲ့တာပါပဲ။ အဲဒီအတိုင်း ဖြစ်လာတော့ ကျွန်မကို နိုင်ငံတော်က
လူသားအားလုံးကို အသိအလင်းပေးဖို့ အခုလို စေလွှတ် ခဲ့တာပါပဲလို့ ပြောခဲ့သည်။
ဒီတော့ ကျွန်တော့်ဆရာ ဦးအောင်ရွှေဦးက ဖြစ်နိုင်ရင်
ကျွန်တော်တို့နိုင်ငံ အခြေအနေလေးကို တစ်ခုခု ပြောပေးနိုင်မလားလို့
မေးလိုက်ပါသည်။ ဒီတော့ ရုရှားဆရာမလေးက အတန်ငယ်စဉ်းစား ပြီး ကျွန်မ
မြင်တာလေးကိုတော့ ပြောပြနိုင်ပါတယ်။ ဒါပေမဲ့ ကျွန်မ ဒီမရောက်ခင် ကတည်းက
မြန်မာပြည်မှာ နိုင်ငံရေးတွေနဲ့ ပတ်သက် လို့ ဘာမှမပြော မဟောဖို့
ကျွန်မတို့ဆီက သတိပေး ထားတာလေး ရှိနေတာမို့ ပြောရမှာတော့ ခက်ပါတယ်။
ဒါကလည်း ကျွန်မအတွက် ထက် ရှင်တို့မှာ အန္တရာယ် ရှိသွားနိုင်တာမို့ပါ။
ဒါပေမဲ့ မြင်တဲ့မြင် ကွင်းလေးတစ်ခုကိုတော့ ပြောပြခဲ့ပါ့မယ်။ ဟောကိန်းတော့
မထုတ် ပါရစေနဲ့။ ရှင်တို့ဘာသာ အဖြေ ရှာယူကြပါလို့ပြောပြီး သူမက "ကျွန်မ
လေယာဉ်ပျံပေါ်က ဆင်းလာတော့ ရုတ်တရက် ကျွန်မ မျက်စိမြင်ကွင်း မှာ
ပန်းပန်ထားတဲ့ မိန်းမတစ်ယောက် ရှေ့မှာ စစ်သားတွေ လက်နက် ချနေတာကို
ကွင်းကွင်းကွက်ကွက် မြင်လိုက်ပါတယ်" လို့ ပြောပြီး သတင်းတော့
မဖြစ်ပါစေနဲ့လို့ ပြောခဲ့ဖူးသည်။ သည်တုန်းကတော့ အမှတ် တမဲ့ပါပဲ။
ဒါပေမဲ့ ဆယ်စုတစ်စု ကျော်သွားတော့မှ မီဒီယာဇာတ်ခုံ ပေါ်မှာ
ခြိမ့်ခြိမ့်သဲဖြစ်နေတဲ့ အဲဒီပန်း ပန်ထားတဲ့မိန်းမကို တွေ့လိုက် ရသည်။
ဒီအချိန်မှာတော့ ဆရာဦးအောင်ရွှေဦး ကတော့ လောကကြီး ကို မမျှော်လင့်ဘဲ
စွန့်ခွာလို့သွားပြီ ဖြစ်ပါတယ်။
ဒီတုန်းက အတိုက်အခံ ခေါင်းဆောင်က မီဒီယာ စာမျက်နှာများပေါ် မရောက်သေးသလို
သူပန်းပန်တာကို ရုရှားဆရာမလေး သိဖို့နေနေသာသာ ကျွန်တော်တို့ တောင် သတိမထား
မိခဲ့ကြပေ။
ဆရာမလေး မြင်ခဲ့ သလို ပန်းပန်ထားတဲ့ မိန်းမတစ်ယောက်ရှေ့မှာ စစ်တပ်က
လက်နက် ချနေကြတယ် ဆိုခဲ့သလိုပဲ အတိုက်အခံ ခေါင်းဆောင် လွတ်ပြီးတဲ့ အချိန်က
စပြီး စစ်အစိုးရ ကလည်း အာဏာကို Surrender လုပ်သွားသကဲ့ သို့ပင်။
တိုင်းပြည်က စစ်အစိုးရနဲ့ ကင်းဝေးသွားခဲ့ပြီး ဖြစ်သည်။
ဆိုလိုချင်တာက ဟောကိန်းတစ်ခုကို လူတစ်ယောက် အတွက် ဟောမည်ဆိုပါက
ဆယ်စုနှစ်နဲ့ ချီပြီး ကြိုပြီး ဟောကိန်းထုတ်သော် မှန်နိုင်ပေသည်။ သို့သော်
ကမ္ဘာနဲ့ ချီပြီး ကမ္ဘာ့လူဦးရေ သန်းပေါင်းခုနစ်ထောင် အတွက်ကို စုစည်းလို့
ကမ္ဘာပျက်မည် ဆိုသောဟောကိန်း မျိုး ကတော့ အထက်ပါ အတိုင်း နော်ထရာဒမ်မတ်စ် ပဲ
ဟောဟော Mayan Calendar တို့လို ကမ္ဘာပျက်မည် ဆိုသောဟောကိန်း မျိုးတွေ ကတော့
ပါစင်အောင် လွဲမှားသွားတတ်ပါသည်။ အဘယ်ကြောင့် ဆိုသော် ကျွန်ုပ်တို့
သတ္တလောကကြီးကို သဘာဝတရား တို့ ဖြင့်ဖန်ဆင်းထားပြီး လူသတ္တဝါ
အပေါင်းတို့ကိုတော့ အကြောင်း တရားတို့ဖြင့် ဖွဲ့စည်းထားပါသည်။
ဒီတော့ လူသားတို့၌ တစ်ဦးနဲ့ တစ်ဦး တစ်ယောက်နဲ့ တစ်ယောက်
အကြောင်းတရားချင်းက မတူနိုင် သလို အကြောင်းတရားက ပေးထားသော သေခြင်းတရား၏
Timeline သက်တမ်းတွေကလည်း လုံးဝမတူနိုင်ပေ။ သို့ဖြစ်၍ သန်းပေါင်း
ခုနစ်ထောင်လုံး၏ သေခြင်းတရား တို့ကလည်း တစ်ချိန် တည်း တစ်ရက်တည်း၌ စုံ၍
မကျရောက်နိုင်ပေ။
သို့ဖြစ်၍ ၁၉၉၉ ခုနှစ်တွင် အဏုမြူစစ်ကြီး ဖြစ်မည်၊ ကမ္ဘာကြီး ပျက်မည်
ဆိုသော နော်ထရာဒမ်မတ်စ်၏ ဟောကိန်းကြီး ကလည်း ပါစင်အောင်
လွဲမှားသွားခဲ့ရခြင်းပင် ဖြစ်သလို မာယန် ပြက္ခဒိန်၏ ဒီဇင်ဘာ ၂၁ ရက် ၂ဝ၁၂
ခုနေ့ ကမ္ဘာပျက်မည် ဆိုသောဟောကိန်းကြီး ကလည်း ပါစင်အောင် လွဲမှား
သွားရတော့မည်သာ။
သို့သော် မာယန်တို့၏ ဟောကိန်းက ဗေဒင်ဟောကိန်းတွေ မဟုတ်ဘဲ Astronomy အရ
အာကာသဖြစ်စဉ် အာကာသ တွက်ရိုးတို့ ဖြင့် တွက်ချက် ဟောထားသော ဟောကိန်းများ
ဖြစ်နေတာမို့ ဒီဇင်ဘာ ၂၁ ရက်နေ့ ကမ္ဘာ မပျက်နိုင်ပေမယ့် ကျွန်ုပ်တို့
ကမ္ဘာမြေသို့ အသွင်မတူ သော သဘာဝ ဘေးရန်ကြီးနှင့် ရာသီဥတု
ဖောက်ပြန်မှုကြီးများတော့ တစ်နှစ်ထက်တစ်နှစ် တစ်မူ ထူးခြားလို့ ကျရောက်
လာနိုင်ဖွယ်တော့ ရှိမည်ဆိုတာ ကိုတော့ မာယန်ပြက္ခဒိန်က မီးမောင်းထိုး
ပြထားခဲ့ ပါသည်။
ကမ္ဘာပျက်မည်ဆိုသော မာယန်တို့၏ ပစ်မှတ် ဒီဇင်ဘာ ၂၁ က ရက်ပိုင်းသာ လိုတော့သည်
Subscribe to:
Post Comments (Atom)
0 comments:
Post a Comment