ထူးထူးဆန်းဆန်း လူဖြစ်ကျိုးနပ်ဖို့နည်းလမ်း

ဒီနေ့...
ဖတ်လိုက်ရတဲ့ စာတစ်အုပ်မှာ ထူးထူးဆန်းဆန်း လူဖြစ်ကျိုးနပ်ဖို့ နည်းလမ်းလေး ဖတ်မိခဲ့ပါတယ်..။
ထူးဆန်းတာမှ ခုခေတ်စားနေတဲ့ လုပ်ရပ်ကလေးတွေကို အတွေးလေးကွန့်ပြီးတော့ ပြောထားတာဗျ..
ပြောတဲ့သူက အမေကြည်တဲ့...
လူဖြစ်ကျိုးနပ်ချင်ရင်
(၁) ခိုးတတ်ရတယ်
(၂) လုတတ်ရတယ်
(၃) သတ်တတ်ရတယ်...တယ်လေ
ကဲစဉ်းစားကြည့်ပေါ့ လူဖြစ်ကျိုးနပ်ချင်ရင် အဲဒါတွေလုပ်ရမယ်ဆိုတော့ ခက်မနေပေဘူးလား...။
အရှိအတိုင်းသာ တွေးမိရင်တော့....
ကဲပါလေ...အမေကြည်ပြောတာလေး ကြည့်ကြပါစို့
 ခိုးတယ်ဆိုတာ သူတစ်ပါးပစ္စည်းကို ခိုးခိုင်းတာမဟုတ်ဘူးတဲ့၊
မနက်အိပ်ရာထ၊ ညအိပ်ရာဝင် ဘုရားရှိခိုးရမယ်လို့ပြောတာ၊ ရတနာသုံးပါးကို မမေ့နဲ့ မိဘဆရာသမားမမေ့နဲ့ အမြဲတမ်းရှိခိုးပြီးမှ အိပ်ရမယ်၊
ကျေးဇူးကြီးသူတွေကို ရိုသေကိုင်းရှိုင်း ရှိခိုးသူတိုင်း ကြီးပွာချမ်းသာကြတယ်၊ ခင်ပွန်းကြီး (၁၀)ပါးကို မမေ့သူတိုင်း လူဖြစ်ကျိုးနပ်တယ်...လို့ ပြောပြပါတယ်။
အော်..ဒီမှာ သေချာမှတ်နော် ခိုးခိုင်းတာဆိုလို သူများဟာတွေကို သိသိနဲ့တမျိုး မသိဘဲတစ်ဖုံ ခိုးဝှက်နေဖို့ ပြောတာမဟုတ်ဘူးနော်..
ကျေးဇူးရှင်တွေကို ရှိခိုးဖို့ပြောတာတဲ့နော်...။
လုတယ်ဆိုတာ သူတစ်ပါးပစ္စည်းဥစ္စာကို အနိုင်ထက်စီး လုရမယ် ယက်ရမယ်လို့ ပြောတာမဟုတ်ပါဘူး၊ ၀ိပဿနာတရားကို အချိန်လုပြီး အားထုတ်ရမယ်လို့ ပြောတာ။ ငါမအားလို့ အလုပ်ရှုပ်နေလို့ဆိုပြီး ၀ိပဿနာ ကမ္မဋ္ဌာန်းတရားကို အားမထုတ်ဘဲ မနေရဘူး၊ အချိန်လုပြီး အနက်အိပ်ရာထ(၁)ကြိမ်၊ ညအိပ်ရာဝင်(၁)ကြိမ်၊ နာရီဝက်လောက်တော့ အနည်းဆုံး လုပ်ရမယ် အဲဒီလို အာနာပါန(စတဲ့) ကမ္မဋ္ဌာန်းတရားကို အားထုတ်သူတိုင်း စိတ်ချမ်းသာကြတယ်၊ ၀ိပဿနာတရားဆိုတာ ကိုယ့်ရဲ့စိတ်ကို(ကိုယ်ဖြစ်ပျက်နေတဲ့အရာတွေကို) ပြန်ကြည့်တဲ့ လေ့ကျင့်ခန်းပဲကွဲ့...တဲ့။
ကဲ လုဆိုတာ အချိန်လုပြီး စိတ်ချမ်းသာရေး လေ့ကျင့်ခန်းလုပ်ခိုင်းတာနော်...
သတ်ဆိုတာ သူများအသက်သတ်ခိုင်းတာမဟုတ်ဘူး၊ ကိုရင်ထဲမှာ ဖြစ်နေတဲ့ လောဘစိတ်ကို သတ်ရမယ်၊ ဒေါသစိတ်ကို သတ်ရမယ်၊ အတ္တ မာနစိတ်တွေကို သတ်ပစ်ရမယ်။ ကိုယ့်ထက်သာ မနာလို့တဲ့စိတ်တွေ ဣဿာ မစ္ဆရိယစိတ်တွေကို ပယ်သတ်ပစ်ရမယ်၊ ဒါမှ စိတ်ချမ်းသာမှာနော်၊ သိမ်းပိုက်လိုတဲ့ လောဘစိတ်နဲ့ ရှင်သန်နေထိုင်ခြင်းဟာ လူဖြစ်ကျိုးမနပ်ဘူး၊ အဲဒီစိတ်တွေဟာ ကိုယ့်ကိုယ်ကို မီးရှို့နေတဲ့စိတ်တွေဘဲ...တဲ့။
နောက် အမေကြည်ဆက်ပြောတာရှိသေးတယ်
ဒီမယ်သားရေ မင်းလဲ လူဖြစ်ကျိုးနပ်ပြီလား စဉ်းစားဦး၊ ခိုးသင့်တာကို ခိုးရမယ်၊ မခိုးသင့်တာ မခိုးနဲ့၊ လုသင့်တာကို လုရမယ်၊ မလုသင့်တာ မလုနဲ့။ သတ်သင့်တဲ့ကိစ္စကိုလဲ သတ်ပေါ့ကွယ်၊ ဒါမှ စိတ်ချမ်းသာမှာကွဲ့....တဲ့
အမေကြည်ရဲ့ ဆန်းသစ်တဲ့အတွေးတွေကို ဖတ်ကြည့်ရင်း အမေကြည်ကို ကြည်ညိုလေးစားမိတယ် ရေးသားတင်ပြပေးတဲ့ စာရေးဆရာ ဦးဘုန်း(ဓာတု)ကိုလဲ ကျေးဇူးတင်နေမိတယ်။
 အားလုံး လူဖြစ်ကျိုးနပ်ကြပါစေဗျာ....။