ရယ်မောစရာ (

စောစောပြန်မယ်
မိဘချင်း သဘောတူထားပြီး မကြာမီ လက်ထပ်တော့မည့် စုံတွဲတစ်တွဲ အပြင်ထွက်လည်ကြသည်။
နေ့လည်ပိုင်းတွင် စားသောက်ဆိုင်တစ်ဆိုင်၌ ၀င်ထိုင်ကြရင်း အမျိုးသားကမေးသည်။
“ခင်ဗျား အရင်က ထားခဲ့ဖူးတဲ့ ရည်းစာတွေအကြောင်း ပြောပြပါလား” အမျိုးသမီးက
ပြန်ဖြေသည်။ “ဒီနေ့တော့ မပြောပြနိုင်ဘူး။ မေမေတို့ကို ဒီနေ့ မိုးမချုပ်ခင်
ပြန်လာမယ်လို့ ကတိပေးထားတယ်ရှင့်”

ဆေးရုံသွားတဲ့လမ်း
မေး ။ ။ ဆေးရုံကို ဘယ်လို သွားရလဲ ခင်ဗျ ။
ဖြေ ။ ။ ခုမြင်နေရတဲ့ လမ်းအတိုင်းသွားပါ။ လမ်းမ အလယ်ရောက်ရင် ရပ်လိုက်။ နောက် ၁၀မိနစ်လောက် နေရင် ဆေးရုံရောက်ပြီ ခင်ဗျ ။

ကွာရှင်းလိုကြောင်း
ခင်ပွန်းဖြစ်သူနှင့် ကွာရှင်းလိုကြောင်း လျှောက်ထားသော
အမျိုးသမီးတစ်ဦးအား စိတ်ပြောင်းရန် တရားသူကြီးက ကြိုးစားလျက် ရှိသည်။
"ခင်ဗျားက အသက် ၉၂ နှစ်။ ခင်ဗျား ယောက်ျားက ၉၄ နှစ်။ အိမ်ထောင်သက် ၇၃
နှစ်ရှိပြီ။ ခုမှ ဘာကြောင့်ကွဲချင်ရတာလဲ" အမျိုးသမီးက ရှင်းပြသည်မှာ
"ကျွန်မတို့ အိမ်ထောင်ရေးက အဆင်မပြေတာကြာပါပြီရှင့်။ ဒါပေမယ့် ကလေးတွေ
သေတဲ့ ထိစောင့်ဖို့ ကျွန်မတို့ ဆုံးဖြတ်ထားကြလို့ပါ"။

မလာသေးလို့ပါ
တစ်နေ့ မှာ ဆရာက “ကျွန်တော်သာ မန်နေဂျာတစ်ယောက်ဖြစ်ခဲ့လျှင်”ဆိုပြီး စာစီစာကုံး
ရေးခိုင်းပါတယ်။ကျောင်းသားတွေ အားလုံးရေးနေပေမဲ့ တစ်ယောက်ကတော့ မရေးဘူး။
ဆရာက ကျောင်းသားအနားကိုသွားပြီး “မင်းက ဘာဖြစ်လို့ မရေးတာလဲ”လို့ မေးလိုက်တယ်။
ကျောင်းသားက “ကျွန်တော့်ရဲ့အတွင်းရေးမှူးကိုစောင့်နေတာပါ”တဲ့။

အကြောင်းရင်း
နာမည်ကျော် တက္ကသိုလ်ပါမောက္ခကြီးတစ်ဦးဟာ သူ့ရဲ့ သုတေသနလုပ်ငန်းတစ်ခုအတွက် တပည့်တစ်ချို့နဲ့အတူ ကျေးရွာတစ်ရွာကို လေ့လာရေးခရီးထွက်ခဲ့သတဲ့။ ရွာရဲ့စိုက်ပျိုးရေး၊ မွေးမြူရေးနဲ့ လူနေမှုဘဝတွေကို ပါမောက္ခကြီးဟာ စနစ်တကျ လေ့လာတယ်။ မှတ်သားတယ်။ မေးမြန်းတယ်။
တစ်နေ့မှာတော့…..
မွေးမြူရေးသမားတစ်ဦးနဲ့ ဆွေးနွေးနေစဉ်မှာ မွေးမြူရေးသမားက သူမွေးထားတဲ့ နို့စားနွားမတွေ လွှတ်ကျောင်းထားတာကို ကြည့်ပြီး…
“ဟို စာဥဆိုတဲ့ ကောင်မ ဘယ်သွားဦးမှာလဲ?”
“တိမ်ပြာဆိုတဲ့ ဟာမကလည်း ဟိုဘက်ခြံစည်းရိုးတိုင်ကို သွားပွတ်နေပြန်ပြီ”
“ဟဲ့ ဖြူ မြက်ကောင်းကောင်းမစားဘဲ ဘာဖြစ်လို့ တခြားကောင်မတွေကို လိုက်ဝှေ့နေတာလဲ” စသည်ဖြင့် လှမ်းလှမ်းပြီး မြည်တွန်တောက်တီးနေတယ်။ ပါမောက္ခက မွေးမြူရေးသမားကို အံ့သြတကြီး ကြည့်ပြီး….
“ခင်ဗျားက ခင်ဗျားနွားမတွေအားလုံး နာမည်မှတ်မိတာပဲလား” လို့ မေးလိုက်တယ်။
“မှတ်မိတာပေါ့ ဆရာကြီးရယ်။ သူတို့နာမည်မှတ်မိမှ သူတို့ကို ထိန်းရလွယ်တာ”
“တော်တယ်ဗျာ၊ ကျုပ်ကတော့ ကျုပ်တပည့်မတွေ နာမည်ကို မမှတ်မိပါဘူး”
ဒီအခါမှာ မွေးမြူရေးသမားရဲ့ ဇနီးက ဝင်ပြောတယ်။ သူမရဲ့ ပြောစကားကြောင့် ပါမောက္ခကြီးရဲ့ ဘေးက ကျောင်းသားတွေ ပြုံးစိစိ ဖြစ်သွားကြသတဲ့။
မိန်းမကြီး ပြောတာက ဒီလိုလေ…
“ဆရာကြီးက ဘယ်မှတ်မိမလဲ၊ ကျွန်မယောက်ျားလို တစ်နေ့နှစ်ကြိမ် နို့မှ မညှစ်ရဘဲ´။

ဒဿမကိန်း
ဆရာမက ဒဿမကိန်းတွေရဲ့အကြောင်းသင်နေတယ်။ သူက သင်ပုန်းပေါ်မှာ
၁၀.၉ လို့ချရေးပြီးမှ ဒဿမ (.)ကို ဖျက်ပစ်လိုက်တယ်။
``ကဲ ဂျော်နီ၊ အခု ဒဿမဘယ်ရောက်သွားပြီလဲ´´
ဂျော်နီက မဆိုင်းမတွပဲ ချက်ချင်းထဖြေတယ်။
``ဘောဖျက်မှာ ပါသွားပြီ ဆရာမ´´တဲ့။

မကြီးပါဘူး
သား။ ။မေမေ…သားကိုသူငယ်ချင်းတွေက ခေါင်းအကြီးကြီးပဲလို့ ပြောကြတယ်။
မေမေ။ ။ငါ့သားခေါင်းက မကြီးပါဘူးသားရယ်…လှပါတယ်။သားရေ…မေမေ့ကို ဆန်သုံးပြည်လောက်သွားဝယ်ပေးပါဦး။
သား။ ။ဟုတ်….ဆန်ထည့်ဖို့  ဘာယူသွားရမလဲမေမေ။လက်ဆွဲခြင်းက မမ ယူသွားတယ်။
မေမေ။ ။သားရဲ့ဦးထုပ်ထဲ ထည့်ခဲ့လေ။

မနေ့ကတော့
ယောကျာ်း။ ။မင်းကို ငါမေးနေတာ ကြားရဲ့လား။ တစ်ခုခုတော့ ပြန်ပြောဖို့ သင့်တာပေါ့ကွ။
မိန်းမ။ ။မနေ့ ကတော့ ပြန်ပြောတာ မကြိုက်ဘူးဆို။

လွတ်လပ်ရေး
အဖွားစိန်သည် အသက် ၆၀ သို့ရောက်သည့်တိုင် ဗွီဒီယို၊ ရုပ်ရှင်များမကြည့်ဖူးပေ။
တစ်ညတွင် သူ့မြေးများနှင့်အတူ ဗွီဒီယိုကြည့်ချင်သောကြောင့်လိုက်သွားလေသည်။
ထိုညတွင်ပြသော ဇာတ်လမ်းမှာ တော်လှန်ရေးကားပင်ဖြစ်လေသည်။ ဗွီဒီယိုဇာတ်ကား
ပြီး၍ အိမ်သို့ပြန်ရောက်သောအခါ-
“သားကြီးရေ ပုန်းကျင်းတွေတူးပါအုံးဟ”ဆိုလေသည်။
သူမ၏သားမှာ- “အမေ ဘာဖြစ်လို့လဲ” ဟုမေးရာ အဖွားစိန်၏စကားကြောင့် သူ့သားမှာ
ပါးစပ်အဟောင်းသားဖြစ်သွားလေသည်။ အဖွားစိန်ပြောလိုက်ပုံက-
“သားရဲ့...ဗွီဒီယိုတွေထဲမှာ ပုလိပ်တွေနဲ့ တော်လှန်ရေးရဲဘော်တွေနဲ့ တိုက်တုန်းဟ...
လွတ်လပ်ရေးမရသေးဘူး...”။

ပထမတန်းစား
ရွာက ဘကြီးမောင် မြို့ကိုတက်မယ်ဆိုတော့ လူတိုင်းမှာချင်တာပေါ့။ ဒွေးလေးမြလည်း သူ့မြေး ဖိုးမောင်အတွက် ဒုတိယတန်းဖတ်စာအုပ် မှာလိုက်တယ်။ ကျောင်းပြန်ဖွင့်တော့မှာဆိုတော့ မြို့ကို သွားသူရှိတုန်းမှာရတာကိုး။ မြို့ရောက်တော့ စာအုပ်ဆိုင်မှာ ဘကြီးမောင် လိုက်ကြည့်တယ်။ ဖတ်စာအုပ်တွေက ပထမတန်း၊ ဒုတိယတန်း၊ တတိယတန်းဆိုပြီး သူ့အပုံနဲ့သူရှိနေတယ်။ ဘကြီးမောင် ရွေးဝယ်လိုက်တာကတော့ ပထမတန်းဖတ်စာအုပ်တဲ့။ ဈေးချင်းတူလို့ကတော့ ပထမတန်းစားပဲ သုံးမယ်ဆိုပြီး ၀ယ်ချလာပါတော့တယ်။

အလုပ်အကိုင်
ယောက်ျားဖြစ်သူ မှာ မြို့ထဲကနေပြန်လာပြီး ၀မ်းသာအားရနဲ့ အိမ်ထဲကို ပြေးဝင်လာတယ်။ မီးဖိုချောင်ထဲမှာ ချက်ပြုတ်နေတဲ့ ဇနီးဖြစ်သူကို ခေါ်လိုက်ပြီး…
ယောက်ျား။ ။ ငါ ဒီနေ့ တော်တော်ကောင်းတဲ့ အလုပ်သစ်တစ်ခုကို ရှာတွေ့ခဲ့တယ်။ အလုပ်က နံနက် ၈နာရီကနေ ညနေ ၅နာရီ အထိလုပ်ရမှာ။ နံနက်တစ်ကြိမ် ညနေတစ်ကြိမ် ကော်ဖီ တိုက်မယ်။ နေ့လယ်စာ စားချိန်ကို တစ်နာရီပေးထားတယ်။ လုပ်ခကလည်း တော်တော်များများရမှာ။ ကျန်းမာရေး စောင့်ရှောက်မှုကလည်း အခမဲ့ကွ။ ပြီးတော့ အားလပ်ရက်ကို သုံးပတ်ပေးထားတယ်။ အဲဒီအလုပ်ကို လက်ခံသင့်တယ်မဟုတ်လား….မင်းဘယ်လိုထင်လဲ။
ဇနီး။ ။ အိုး… တော်တော်ကောင်းတဲ့အလုပ်ပါပဲ… လက်ခံသင့်တာပေါ့။ ရှင် ဒီလိုအလုပ်ကို ရှာတွေ့ခဲ့တာ ကျွန်မဖြင့် အရမ်းပျော်တာပဲ။
ယောက်ျား။ ။ ကောင်းပြီ…. မင်းလက်ခံတယ်ဆိုရင် မနက်ဖြန်ကစပြီး အလုပ်ဆင်းလို့ရပြီ။

ပေးချင်လို့ပါ
“မေမေ သမီးကိုငွေငါးကျပ်လောက်ပေးစမ်းပါ၊ အိမ်ရှေ့မှာအော်နေတဲ့
သူကိုပေးလိုက်ချင်လို့”
“သူက ဘယ်လိုအော်နေလို့လဲ သမီးရဲ့”
“အကြော်စုံရမယ်၊ တစ်ခု ငါးကျပ်တဲ့”။